Rusiyanın Baş naziri Dmitri Medvedyev Türkiyəyə tətbiq olunan qida embarqosunun ləğv edilməyəcəyini açıqlayıb.

Axar.az xəbər verir ki, paytaxt Moskva yaxınlığında yerləşən istixanalara baş çəkən Medvedyev hələlik yalnız turizmlə bağlı razılıq əldə olunduğunu deyib:

"Qida embarqosu ilə bağlı hər hansı bir qərar verilməyib. Nəyin necə ediləcəyini türkiyəli həmkarlarımızla danışacağıq. Normallaşma prosesinə girməyimiz dərhal qaçıb bütün qapıları açmağımız mənasını vermir. Hələlik yalnız turizmlə bağlı bir qərar vermişik".

Daha sonra Medvedyev istixanada yetişdirilən pomidorun dadına baxaraq "Baldır", - deyə fikrini bildirib.