Alyaskada keçiriləcək görüşdə Putin uzun illər ərzində xarici liderləri cəlb etmək və manipulyasiya etmək bacarığını istifadə etməyə çalışacaq.

Axar.az xəbər verir ki, bu barədə “Vaşinqton Post” nəşri yazıb.

“Putinin Trampı manipulyasiya etmə qabiliyyəti keçmiş görüşlərdə də müşahidə olunub. Məsələn, 2018-ci ildə Helsinki sammitindən sonra Tramp Putinin “Rusiyanın 2016-cı il seçkilərinə müdaxilə etmədiyi” iddiasına inandığını açıqlamışdı. Bu da ABŞ daxilində ciddi tənqidlərə səbəb olmuşdu.

2007-ci ildə Almaniyanın keçmiş kansleri Angela Merkel Putinin qorxu yaratmaq üçün görüşə itini gətirməsini qəsdən etdiyi taktika kimi qiymətləndirmişdi, çünki onun itlərdən qorxduğunu bilirdi.

Rusiyalı analitiklər bildirir ki, Putinin əsas məqsədi Trampla Ukrayna Prezidenti Vladimir Zelenski və onun Avropadakı tərəfdarları arasına pərdə salmaqdır. Çünki 13 avqustda Ukrayna, ABŞ və Avropa ölkələri birgə atəşkəsi və Kiyevin danışıqlarda iştirakını dəstəklədiklərini açıqlayıblar”, - nəşr bildirib.