ABŞ Prezidenti Donald Tramp nüvə dövlətləri ilə yaxşı münasibətlərin saxlanmasının vacibliyindən danışıb.

Axar.az xəbər verir ki, o, bu barədə “Deyli Caller”ə müsahibəsində qeyd edib.

Belə ki, Ağ Ev rəhbərindən 600 min çinli tələbənin iki il müddətinə Amerika universitetlərində təhsil almasına icazə verməsinin ölkənin faydasına olması, yoxsa bunun onun Çinlə danışıqlarda sadəcə taktika elementi olub-olmadığı soruşulub.

Buna cavab olaraq Tramp bildirib ki, onun Çin Prezidenti Si Szinpinlə çox yaxşı münasibəti var.

Siyasətçinin fikrincə, Çindən gələn tələbələrdən imtina etmək “sistemə zərər verə bilər”.

“Düşünürəm ki, ölkələrlə anlaşma yaxşı şeydir, pis deyil, xüsusən də nüvə gücləri ilə”, - Tramp da deyib.