22:24

İrəvanda silahlı şəxslər tərəfindən ələ keçirilən post-patrul xidməti alayının binasının qarşısına əlavə polis qüvvələri cəlb olunub.

APA-nın verdiyi xəbərə görə, binanı mühasirəyə almış polis qüvvələri ərazini ciddi nəzarətə götürüb. Məlumata görə, hadisə yerinə polis qüvvələri komandanı Levon Yeranosyan da gəlib.

Məlumata görə, hadisə yerinə həmçinin onlarla mülki vətəndaş toplaşıb. Bildirilir ki, onlar silahlı şəxslərə qarşı xüsusi əməliyyat keçirəcək polislərə mane olmaq niyyətindədirlər.

00:15

Ermənistanda silahlı qrup tərəfindən tutulmuş binanın digər yanında keçirilən aksiyada toqquşmalar zamanı dörd polis əməkdaşı xəsarət alıb.

Trend-in məlumatına görə, bunu Ermənistan parlamentinin müxalifətçi deputatı Nikol Paşinyan bildirib.

"Demə ki, Saritarx rayonun tərəfindən də etiraz aksiyası keçirilir və məhz orada polislər xəsarət alıb. Orada aksiya iştirakçıları binanın önünə keçmək istəyiblər, onlara müqavimət göstərilib və polis əməkdaşlarını daşa basıblar. Onları təcili yardım maşınları götürüb", - deputat bildirib.