ABŞ Prezidenti Donald Tramp Yaxın Şərq münaqişəsinin həllinə həsr olunan sülh konfransı zamanı Fransa Prezidenti Emmanuel Makronu ironik şəkildə ələ salıb.

Axar.az Globalinfo.az-a istinadən xəbər verir ki, bu barədə BFM TV məlumat yayıb.

Qeyd olunub ki, tədbirdə mətbuat konfransı zamanı Tramp bir neçə dövlət başçısına təşəkkür edərkən Makronun adını çəkib:

“Çox sağ olun, Emmanuel. Düşünürəm ki, Emmanuel mənim arxamda bir yerdə dayanıb,” – deyə Tramp zarafatla arxaya baxaraq bildirib.

Makronun həqiqətən zalda olduğu məlum olanda Tramp əlavə edib:

“Bu gün aşağı profil saxlamaq qərarına gəldiyinizə inana bilmirəm?” – deyə o, gülümsəyərək fransız həmkarına müraciət edib.

BFM TV qeyd edir ki, Makronun komandası hadisəyə münasibət bildirərkən onun qəsdən Trampın arxasında durmaqdan imtina etdiyini açıqlayıb. Qeyd olunub ki, Fransa lideri bu jesti fransız xalqının öz prezidentlərindən gözlədiyi davranışa uyğun olaraq edib.