Kiyevdə 500 mobil sığınacağın qurulması planlaşdırılır.

Axar.az xəbər verir ki, bu barədə Kiyev meri Vitali Kliçko məlumat verib.

"Bu sığınacaqlara olan tələblər, nəhayət, dövlət səviyyəsində, qanunvericilik normaları ilə dəqiq müəyyən edilib. Sığınacaq sisteminin genişləndirilməsi prioritet məsələdir, ona görə də şəhər bu məqsədlə son illərdə 7 milyard qrivnadan çox, o cümlədən bu il 4 milyard qrivna ayırıb”, - Kliçko qeyd edib.

Kiyev meri vurğulayıb ki, sistematik olaraq əsaslı təmir, yenidənqurma və sığınacaqların sayını artırmaq proqramı həyata keçirilir:

“Metro və ya daimi sığınacaq olmayan ərazilər var. Bunlar, ilk növbədə, şəhər mərkəzindən uzaqda, xüsusən də sol sahildə yerləşən yaşayış sahələridir. Daimi sığınacaqların yerləşdirilməsi mümkün olmayan yerlərdə səyyar sığınacaqlara ehtiyac var”.