Rusiya 35-ci ABŞ prezidenti Con Kennedinin qətli ilə bağlı məxfiliyi silinmiş materialları Vaşinqtona təhvil verib.

Axar.az xəbər verir ki, bu barədə Rusiya mediası məlumat yayıb.

Məlumata görə, Rusiyanın Vaşinqtondakı səfiri Aleksandr Darçiyev konqresmen Anna Paulina Lunaya sovet arxivlərindən 1963-cü il hadisələrinə həsr olunmuş 350 səhifəlik hesabat təqdim edib. Moskva sənədlərin faciəyə yeni işıq salmağa kömək edəcəyinə ümid etdiyini bildirib.

Lunanın sözlərinə görə, bu addım 20-ci əsrin ən səs-küylü qətllərindən birinin araşdırılmasında iki ölkə arasında tarixi əməkdaşlığın görünməmiş nümunəsi olub.