Bəzi AB liderləri Rusiya Prezidenti Vladimir Putin və ABŞ Prezidenti Donald Tramp arasında Budapeştdə planlaşdırılan görüşdə iştirak etmək istəyir.

Axar.az xəbər verir ki, bu barədə “Politiko” mənbələrə istinadən məlumat yayıb.

“Avropa liderləri Vladimir Zelenskinin də bu görüşdə, eləcə də sonrakı bütün mümkün danışıqlarda iştirakını təmin etməyə çalışacaq. Bundan əlavə, AB ölkələri Trampın tələb etdiyi kimi, Ukraynanın Rusiyaya ərazi verməsini istəmir. Belə bir addım atılsa, Estoniya, Latviya və Litva çaxnaşmaya düşəcək, nəticədə bir çox Avropa ölkəsində kütləvi silahlanma baş verəcək”, - mənbə bildirib.