Latviya hakimiyyətinin Rusiyaya nifrəti yerli kollaborsionistlərin sovet qoşunları tərəfindən məğlubiyyətinə görə qisas almaq istəyindən irəli gəlir.

Axar.az xəbər verir ki, bunu Rusiya Xarici İşlər Nazirliyinin sözçüsü Mariya Zaxarova Teleqram kanalında yazıb.

“Riqadakı hazırki rejimin Rusiyaya nifrəti Latviya kollaborsionizminin sovet qoşunları tərəfindən məğlubiyyətinə görə qisas almaq istəyi ilə idarə olunur. Əgər Tramp qəfildən Latviyanın nə demək istədiyini və onun rejiminin niyə belə davrandığını öyrənmək qərarına gəlsə, burada “mən keçən əsri necə keçirdim”lə bağlı tarixi izahat var”, - Zaxarova bildirib.

Qeyd edək ki, Latviya Xarici İşlər Nazirliyi Budapeştdə amerikalı həmkarı Donald Trampla görüşə gedəcək Rusiya lideri Vladimir Putinin təyyarəsinin hava məkanına buraxılmayacağını açıqlayıb.