Türkiyədəki 15 iyul hərbi çevriliş cəhdinin hər hansı bir xarici ölkənin dəstəyi olmadan həyata keçirilməsi mümkün deyildi.

Axar.az xəbər verir ki, bunu İranın Ali dini lideri Ayətullah Xameneinin baş hərbi müşaviri, general Yəhya Rəhim Səfəvi deyib.

"ABŞ və Rusiyanın bu hadisə barədə öncədən xəbərsiz olduğunu söyləmək düzgün olmaz. Bu hərbi çevriliş cəhdinin xarici ölkənin dəstəyi və koordinasiyası olmadan həyata keçirilməsi mümkün deyildi. Qiyamçıları kimlərin dəstəkləməsi ilə bağlı suallar hələ də cavabsızdır", - Səfəvi bildirib.

Qeyd edək ki, Türkiyə hakimiyyəti hərbi çevriliş cəhdinin birmənalı olaraq Fətullah Gülən şəbəkəsi tərəfindən həyata keçirildiyini və qiyamın qarşısının alınmasında Rusiyanın ciddi dəstək verdiyini açıqlayıb.