Serbiya Prezidenti Aleksandar Vuçiç opponentlərinin Qərbin sanksiyaları səbəbindən Rusiya ilə münasibətlərin pisləşməsi barədə ittihamlarına cavab verib.

Axar.az xəbər verir ki, bu barədə “TV İnformer” kanalı məlumat yayıb.

Vuçiç bəyan edib ki, Belqradla Moskva arasında münasibətlər təkcə İosif Stalinin dövründə deyil, 20-ci əsrin birinci yarısında da gərgin olub:

"Deyirlər ki, 1948-ci ildən Rusiya ilə münasibətlərimizdə belə ağır vəziyyət olmayıb. Hətta soruşmağa da utanıram: 1917-ci il Oktyabr inqilabından sonra yaxşı münasibətlərimiz olubmu?"

Qeyd edək ki, Serbiya Prezidenti Vuçiç daha əvvəl Rusiyaya qarşı sanksiyalarla bağlı mövqeyini dəyişmək niyyətində olmadığını bildirsə də, gələcəkdə oxşar addımların atılacağını istisna etməyib.