Ağ Evin həkimləri indicə məruzə etdilər ki, səhhətim əladır.

Axar.az xəbər verir ki, ABŞ Prezidenti Donald Tramp bu barədə özünün “Truth Social” hesabında yazıb.

“İndiyə qədər heç bir digər prezidentin, vitse-prezidentin keçmək istəmədiyi koqnitiv yoxlanışım mükəmməl keçib. Düşünürəm ki, prezidentliyə və ya vitse-prezidentliyə namizədlik irəli sürən istənilən insan bu güclü, mənalı və sübut olunmuş koqnitiv yoxlanışdan keçməlidir. Bizim böyük ölkəmiz axmaq və bacarıqsız insanlar tərəfindən idarə oluna bilməz”, - Tramp əlavə edib.

Qeyd edək ki, ötən gün ABŞ lideri əllərində yaranan ləkələr barədə də açıqlama vermişdi.