Rusiya etirazları yatırmaqda, silah və müşahidə texnologiyaları verməklə İranı fəal şəkildə dəstəkləyir. Kreml öz maraqlarını qoruyaraq birbaşa hərbi müdaxilə əvəzinə gizli yardıma üstünlük verir.

Axar.az xəbər verir ki, bu barədə “Foreign Policy” məlumat yayıb.

Nəşrin məlumatına görə, Rusiya İrana qoşun yeritmir, lakin rejimin repressiv mexanizmlərini gücləndirməsinə fəal şəkildə kömək edir.

Moskva qarşı tərəfi avtomat silahları, snayper tüfəngləri, zirehli maşınlar, helikopterlər, eləcə də internetə nəzarət və etirazlara qarşı mübarizə üçün texnologiya ilə təmin edir.

Rusiya həmçinin BMT Təhlükəsizlik Şurasındakı daimi üzvlüyündən istifadə edərək İrana qarşı sanksiyaların qarşısını almaq və ya yumşaltmaq üçün rejimi diplomatik şəkildə dəstəkləməyə çalışır.

Eyni zamanda bildirilir ki, Moskvanın birbaşa hərbi müdaxiləsi ehtimalı azdır.