ABŞ İranda ilanın başını üzəcək.

Axar.az xəbər verir ki, bunu ABŞ ordusunun ehtiyatda olan generalı Cek Kin deyib.

“Son günlərdə bölgəyə əlavə qüvvələrin, o cümlədən aviadaşıyıcı zərbə qruplarının və onları müşayiət edən hər şeyin göndərilməsini gözləyirdik. Onların İranın mümkün cavab zərbəsini dəf etməyə və bazalarımızı və İsraili qorumağa kömək edə biləcək hava hücumundan müdafiə sistemləri, gücü var və biz bölgədəki müxtəlif hava bazalarına çoxlu sayda təyyarə, eləcə də hava hücumundan müdafiə vasitələri yerləşdirmişik.

Biz ilanın başını üzməliyik. Əslində, rejimin özü ilandır və məqsəd rəhbərliyi aradan qaldırmaqdır ki, hansısa keçid prosesi başlaya bilsin. Lakin qoşun göndərməsək, tək bir zərbə kifayət etməyəcək. Biz isə bu variantı demək olar ki, nəzərdən keçirmirik. İran 1980-ci ildə rejim hakimiyyətə gələndən bəri ən həssas vəziyyətindədir. Onlar siyasi, iqtisadi və hərbi cəhətdən zəifdirlər. Liderlərin hansı təzyiq altında olduğunu təsəvvür etmək olar. Bu, Maduro ilə olduğu kimidir. İnanıram ki, biz ölkənin bəzi liderləri ilə də əlaqə saxlayırıq, necə ki, həmin əməliyyatdan əvvəl Venesuela rəhbərliyi ilə əlaqə saxlayırdıq”, - general bildirib.