Ana səhifə Planet |
Fətullah Gülən hələ də yaşadığı ərazidən şəbəkəsini idarə edir. Bu şəxs nəzarət altına alınması üçün hüquq-mühafizə orqanları tərəfindən saxlanılmalıdır.
Axar.az xəbər verir ki, bunu Türkiyə Prezidenti Rəcəb Tayyib Ərdoğan ABŞ vitse-prezidenti Co Baydenlə görüşündə deyib.
"Bizim ilk istəyimiz FETÖ şəbəkəsinin liderinin ölkəmizə təhvil verilməsidir. Bununla bağlı 85 qutu sənəd göndərmişik. ABŞ-la aramızda olan cinayətkarların ekstradisiyası razılaşmasına görə, bu kimi günahkar şəxslər ən azı nəzarətdə saxlanılmalıdır. Bu şəxs hazırda da şəbəkəni idarə edir", - Ərdoğan bildirib.
Bayden də öz növbəsində türk liderin həssaslığını anladığını və Gülənin ekstradisiya məsələsi ilə bağlı araşdırmaların getdiyini vurğulayıb:
"Gülənin təhvil verilib-verilməyəcəyi yalnız məhkəmələrin qərarından asılıdır. Türk xalqı da bunu bilməlidir. Güləni qorumaq üçün xüsusi səbəb yoxdur".
Xatırladaq ki, Co Bayden ötən gün Türkiyəyə səfərə gəlib.
Tarix
2016.08.25 / 00:51
|
Müəllif
Kamran Ədalət
|