Rusiyanın hərbi-nəqliyyat təyyarəsi An-26 böyük ehtimalla hava şəraitinin nəzərə alınmaması səbəbindən qəzaya uğrayıb.

Axar.az xəbər verir ki, bu fikri Ukrayna Hərbi Dəniz Qüvvələrinin ehtiyatda olan polkovniki, hərbi ekspert Vladislav Seleznyov səsləndirib.

“Dost atəşi” versiyası az ehtimallıdır, çünki hadisə saat 18:00-da baş verib və hava hücumundan müdafiə operatorlarının böyük təyyarəni kiçik dronla səhv salması çətin görünür. Texniki nasazlıq versiyası da mümkündür. Texnika köhnədir və maksimum rejimdə istismar olunur. Əsas məsələ odur ki, düşmən işğal olunmuş Krım ərazisində özünü təhlükəsiz hiss etmir. Radiolokasiya stansiyaları məhv edildikdən sonra düşmən “görmür”. O, Ukrayna dronlarının və raketlərinin hərəkətini görmür və bizim ordumuz bundan tam istifadə edir”, – deyə Seleznyov izah edib.