ABŞ və İran arasında danışıqların davam etdirilməsi vacibdir.

Axar.az xəbər verir ki, bu barədə BMT-nin Baş katibi Antonio Quterreş jurnalistlərə açıqlamasında deyib.

"Bu danışıqların davam etdirilməsinin son dərəcə vacib olduğunu hesab edirəm. Düşünürəm ki, belə mürəkkəb və uzun müddətdir davam edən bir məsələnin danışıqların ilk sessiyasında həll olunacağını gözləmək qeyri-real olardı. Ona görə də danışıqların davam etməsinə və danışıqlar davam etdikcə atəşkəsin qorunmasına ehtiyacımız var", - deyə o bildirib.

Qeyd edək ki, ABŞ və İran arasında İslamabadda ilk danışıqlar 11 apreldə baş tutub. Danışıqlar nəticəsiz başa çatıb.

Növbəti raundun 16 apreldə keçiriləcəyi gözlənilir.