Son vaxtlar Türkiyədə baş verən məktəb hücumları ilə bağlı proseslər ictimaiyyət tərəfindən həssaslıqla izlənilir.

Axar.az xəbər verir ki, bu barədə Türkiyə Prezident Administrasiyasının Kommunikasiya İdarəsinin bəyanatında bildirilib.

Bəyan edilib ki, prosesin sağlam düşüncə ilə idarə olunması, cəmiyyətin dincliyinin qorunması və xüsusilə uşaqların psixoloji təhlükəsizliyinin diqqətdə saxlanılması böyük əhəmiyyət kəsb edir.

Vurğulanıb ki, qətlə yetirilənlərin və cinayəti törədənlərin kimliklərinin ön plana çıxarılması, hadisələrin dramatikləşdirilərək daim gündəmdə saxlanılması oxşar hərəkətlərə təşviqedici təsir yarada bilər.

Qeyd edək ki, bu gün Türkiyənin Qəhrəmanmaraş şəhərində orta məktəbdə atışma baş verib. Belə ki, 8-ci sinif şagirdi bir neçə nəfəri güllələyib və daha sonra özü intihar edib.

Analoji hadisə ötən gün Şanlıurfadakı məktəblərdən birində yaşanıb.