İsrail Hərbi Hava Qüvvələrinə məxsus təyyarələr Livanın cənubundakı Hizbullahın əsas dayaq məntəqəsi sayılan Deyr Kanun şəhərinə bir sıra zərbələr endirib.

Axar.az xəbər verir ki, Livan Səhiyyə Nazirliyi hücumda üçü uşaq olmaqla ən azı 10 nəfərin öldüyünü bildirib.

"Cəmi bir gündə ölkənin cənub bölgələrində İsrailin hava hücumlarında 22 livanlı həlak olub, 28 nəfər yaralanıb. Hərbi eskalasiyanın 2 martda başlamasından bəri həlak olan mülki şəxslərin ümumi sayı 3042-yə, yaralıların sayı isə 9301-ə çatıb", - deyə bildirilib.

Səhiyyə Nazirliyi xilasedicilərin bir neçə ərazidə dağıntıları təmizləməyə davam etdiyini, buna görə də ölənlərin sayının arta biləcəyini qeyd edib.