ABŞ-ın Kiyevdəki diplomatik nümayəndəliyi şəhəri tərk edib.

Axar.az xəbər verir ki, bunu Avropa Birliyinin xarici siyasət və təhlükəsizlik üzrə ali nümayəndəsi Kaya Kallas deyib.

“Eşitdiklərimizə görə, bütün səfirliklər fəaliyyətini davam etdirir, yalnız biri istisnadır. Avropalıların hamısı qalıb, ABŞ gedib”, - Kallas bildirib.

Ukrayna Xarici İşlər Nazirliyinin sözçüsü Georgi Tixiy isə ABŞ diplomatik nümayəndəliyinin Kiyevi tərk etməsi ilə bağlı məlumatları təkzib edib.

Qeyd edək ki, Rusiya Kiyevə ağır zərbələr endiriləcəyi xəbərdarlığını etmiş və buna görə də əcnəbiləri, o cümlədən diplomatları Ukrayna paytaxtını tərk etməyə çağırmışdı.