Şevardnadzenin dövründə biznes mühiti Saakaşvili zamanındakından daha azad idi.

Axar.az xəbər verir ki, bunu Gürcüstan mətbuatına açıqlamasında keçmiş Baş nazir Bidzina İvanişvili söyləyib.

Onun sözlərinə görə, Şevardnadzenin ən böyük səhvi büdcəni doldura bilməməsi idi:

"Şevardnadze dövründə biznes idarə edilmirdi. Saakaşvilinin zamanında isə iqtisadiyyat bir neçə şəxs tərəfindən idarə olunmağa başladı. Elitar korrupsiya biznesin perspektivini məhv etdi. Saakaşvili büdcəni doldurmaqla bərabər, insanların ciblərinə də girirdi".

Qeyd edək ki, Saakaşvili "qızılgül inqilabı" nəticəsində hakimiyyətə gəlib. Məhz ondan sonra Gürcüstanda yaranmış çətin iqtisadi vəziyyətdən çıxış mümkün olub.