İsrail ordusu Qəzza zolağında HƏMAS Siyasi Bürosunun sabiq rəhbəri İsmayıl Haniyənin qardaşı oğlu Valid Haniyəni öldürüb.

Axar.az xəbər verir ki, bu barədə ÇAXAL-ın mətbuat xidməti məlumat yayıb.

Məlumata görə, Valid Haniyə HƏMAS-ın hərbi qanadının "Nuxba" bölüyündə komandir müavini olub və 2023-cü il oktyabrın 7-də İsrail ərazisinə həyata keçirilən hücumda iştirak edib.

Bildirilib ki, o, son dövrlərdə HƏMAS sıralarına yeni üzvlərin cəlb edilməsi və tabeliyində olan bölüyün hərbi hazırlığı ilə məşğul olub.

Qeyd edək ki, İsmayıl Haniyə 2024-cü il iyulun 31-də Tehranda raket zərbəsi nəticəsində öldürülmüşdü.