Fələstin lideri Mahmud Abbasın İsrailin keçmiş prezidenti Şimon Peresin dəfn mərasimində iştirak etmək barədə qərar verməsi fələstinlilərin ciddi narazılığına səbəb olub.

Axar.az xəbər verir ki, Abbasın İsrail hökumətinə başsağlığı verməsi və dəfn mərasimində iştirak etmək üçün Qüdsə getmək istəməsi Fələstində ciddi müzakirələrə yol açıb.

Fələstin rəhbəri başsağlığı məktubunda Şimon Peresin ölümündən dolayı dərin kədərləndiyini bildirib.

O, keçmiş İsrail liderinin Yaxın Şərqdə sülhü bərpa etmək üçün çalışdığını da vurğulayıb.

Qeyd edək ki, HƏMAS qruplaşması Peresin ölümünə görə Fələstin xalqının çox sevindiyi barədə açıqlama yaymışdı.