20:44

İngiltərənin Şərqi Sassek qraflığındakı Lüis şəhəri yaxınlığında sərnişin qatarı relsdən çıxıb.

Axar.az xəbər verir ki, bu barədə BBC məlumat yayıb.

Hadisə yerinə təcili yardım briqadaları, yanğınsöndürənlər və nəqliyyat polisi cəlb olunub.

Xəsarət alanlar barədə məlumat verilməyib.

***

Şərqi Sasseksdəki Lüis yaxınlığında qatarın relsdən çıxması nəticəsində 11 nəfər xəsarət alıb.

Bu barədə “Skay Nyus” məlumat yayıb.

"Bu mərhələdə iki xəstənin ciddi xəsarət aldığını təsdiqləyə bilərik. Daha doqquz xəstə isə daha yüngül xəsarətlər alıb. Xəstələr hadisə yerində müayinə və müalicə olunub. Bəziləri əlavə müalicə üçün yerli xəstəxanalara aparılıb", - məlumatda bildirilib.

Londondan İstborna gedən qatarda təxminən 150 nəfər olub.