10:10

Qadağan olunmuş ərazi, küləyin yaratdığı güclü dalğalar arasında dənizə zillənmiş gözlər... Dənizdə batan iki gənc...

Axar.az "Xəzər Xəbər"ə istinadla xəbər verir ki, hadisə Bilgəh qəsəbəsi ərazisində baş verib.

Onlardan birinin Bərdədən olduğu bildirilir. Yaxınlarının sözlərinə görə, onlar 1 həftə olar ki, yataqxanda bir yerdə qalırlarmış.

Fövqəladə Hallar Nazirliyindən bildirilib ki, məlumatla əlaqədar əraziyə kiçik həcmli gəmilərə nəzarət və sularda xilas etmə dalğıc axtarış qrupu cəlb olunub. Hazırda Bakı və Abşeron yarımadasında küləkli və dalğalı hava şəraiti müşahidə olunur. Məhz bu əlverişsiz hava şəraiti axtarışlara müəyyən dərəcədə çətinlik yaratmasına baxmayaraq, müvafiq təhülkəsizlik qaydaları qorunmaqla axtarış tədbirləri davam etdirilir.

***

Sabunçu rayonunun Bilgəh qəsəbəsində dənizdə batan şəxslərin kimlikləri məlum olub.

Sentyabrın 19-u saat 16 radələrində Qusar rayon sakini, 2008-ci il təvəllüdlü Elmin Əmirəliyev və Bərdə rayon sakini, 2008-ci il təvəllüdlü Əlipaşa Əlizadə suda boğulublar.

Hazırda onların meyitlərinin sudan çıxarılması istiqamətində tədbirlər davam etdirilir.