Ukrayna Silahlı Qüvvələrinin dörd batalyonu NATO standartlarına uyğunlaşdırılıb.

Axar.az xəbər verir ki, bu barədə Ukrayna Silahlı Qüvvələrinin Baş Qərargahının rəhbəri Viktor Mujenko məlumat verib.

"Bizim artıq dörd batalyonumuz hazırdır və bu gündən NATO standartları üzrə beşinci batalyonun hazırlığına başladıq", - Mujenko vurğulayıb.

O qeyd edib ki, NATO-nun 1250 standartı mövcuddur: "Bunların 65 faizi operativ, 20 faizi silahlanma, 15 faizi isə inzibati standartlardır. Ümid edirik ki, Ukrayna hərbçiləri bu standartların əskəriyyətini öyrənməyi bacaracaq".