Müvafiq buraxılış qurğularının olmaması səbəbindən Ukrayna Prezidenti Vladimir Zelenski ABŞ-ın bəzi güclü sursatlarından imtina edib.

Axar.az xəbər verir ki, bu barədə ABŞ Prezidenti Donald Tramp “Tayms” nəşrinə açıqlamasında deyib.

“Bizdə olduqca güclü orta və yuxarı orta sinif sursatlar var. Çox güclü döyüş sursatları var ki, Prezident Zelenski onları qəbul etmək istəmədi. Ona görə ki, onun müvafiq təyyarəsi və bu sursatlardan istifadə üçün digər lazım olanlar yox idi”, - deyə Ağ Ev rəhbəri qeyd edib.

Tramp bildirib ki, “Raytheon” şirkəti hazırda Ukrayna üçün uyğun silahlar istehsal edir və bu silahların bəziləri artıq Ukraynaya ötürülür.