Moskva Venesuelada baş verənlərdən çox narahatdır.

Axar.az xəbər verir ki, bunu jurnalistlərə açıqlamasında Rusiya Xarici İşlər nazirinin müavini Sergey Ryabkov söyləyib. Onun sözlərinə görə, Moskva Venesuelanın hazırda ölkədə yaranan böhrandan çıxmağa imkan tapacağına ümid edir. O, Venesuelanın Rusiyanın Cənubi Amerikada əsas müttəfiqi olduğunu bildirib.

Qeyd edək ki, son günlər Venesuelada situasiya gərginləşib. Parlament prezident Nikolas Maduronun istefaya getməsini istəyir. Üstəlik, parlament prezidentin impiçment prosesinin başladılması haqqında qərar qəbul edib. Maduro isə öz növbəsində parlamenti Amerikanın oyuncağı adlandırıb.