NATO öz müttəfiqlərini müdafiə etməyə hazırdır.

Axar.az xəbər verir ki, bunu "Amerikanın səsi" radiosuna müsahibəsində ABŞ ordusunun Avropadakı komandanlığının keçmiş rəhbəri Filip Bridlav söyləyib. Onun sözlərinə görə, Rusiyanın taktikası hələ də dəyişməyib:

"Uels sammiti ərəfəsində Rusiya aqressiv siyasət nümayiş etdirərək, Krımı ilhaq etdi, Donbas və digər əməliyyatları həyata keçirdi. Bu, bizim şərqdəki (NATO-nun şərqi – red.) müttəfiqlərimizdə narahatlıq yaratdı və buna görə Uelsdə öz müttəfiqlərimizi onları müdafiə edəcəyimizə əminlik yaratmaq üçün qərar qəbul etdik. Rusiya hələ də Ukrayna və Gürcüstana qarşı aqressiv fəaliyyətini davam etdirir. NATO indiyə qədər sadəcə Rusiyanın aqressiyasına cavab verir".