32 yaşlı Damian arvadının qulağını qopararaq qadının dodağını yumruqları ilə parçalayıb, sonra da barmağı ilə gözlərini çıxarmağa cəhd edib.

"Axar.az" türk mətbuatına istinadən xəbər verir ki, ABŞ-da yaşanan hadisədə Polşa əslli Damian adlı bir kişi həyat yoldaşına zor tətbiq edərək onun qulağını qopardıb. Təcavüzkar sonra da barmağıyla onun gözünü çıxartmağa cəhd edib. Amma həyat yoldaşı onun əlindən canını qurtararaq qaçıb.

Qan içində qalan Debbi özünü güc-bəla ilə evdən çölə sürüyərək qışqırmağa başlayıb. Qonşuları onun səsini eşidib köməyə qaçıblar. Cani ərin əlindən çətinliklə xilas olan qadın dərhal polisə gedərək şikayət edib. Amerikan polisi tərəfindən sorğu edilən və həbsə atılan adamın psixoloji problemlərinin olduğu təsbit edilib. Caninin daha əvvəl də 4 il 11 ay həbs yatdığı üzə çıxıb.