Həştərxan məhkəməsi Krım tatarlarının lideri Mustafa Cəmilovun oğlu Xayser Cəmilovun Rusiyanı tərk etməsinə izn verib.

Axar.az xəbər verir ki, bu sözləri öz Feysbuk səhifəsində Cəmilovun vəkili Nikolay Polozov paylaşıb. O, Xayser Cəmilovun sabah həbsdən azad ediləcəyini bildirib.

Qeyd edək ki, Xayser Cəmilov 2013-cü ildə həbs edilib. O, Baxçasaray şəhərində mühafizəçini öldürdüyünə görə saxlanılıb. Krımın 2014-cü ildə Rusiya tərəfindən ilhaq edilməsindən sonra Cəmilov yarımadadan kənara aparılıb. 2015-ci ildə məhkəmə onu 5 il azadlıqdan məhrum etsə də, sonradan Ali Məhkəmə bu cəza müddətini 3,5 ilə endirib. Cəmilovun cəza müddəti 2016-cı ilin noyabrında bitir.