Qazaxıstanın Taldıkurqan şəhərində ölkə Prezidenti Nursultan Nazarbayevin şərəfinə qoyulmuş heykəlin açılışı olub.

Axar.az xəbər verir ki, bu barədə Alma-Atı vilayət administrasiyasından məlumat verilib.

“Bu gün Taldıkurqan şəhərində müstəqilliyin 25 illiyi ərəfəsində dövlət başçısı Nursultan Nazarbayevin heykəlinin açılış mərasimi keçirilib”, - məlumatda bildirilib.

Qeyd edək ki, bir müddət əvvəl regionun veteranları prezidentə heykəl qoyulması təşəbbüsünü irəli sürmüşdülər və bu da deputatlar tərəfindən böyük dəstək qazanmışdı.

Bürüncdən hazırlanan 4.2 metrlik heykəlin postamenti qəhvəyi mərmərdəndir.