Ana səhifə Planet |
Özbəkistanda prezident seçkiləri başa çatıb.
Axar.az xəbər verir ki, səsvermə məntəqələsri yerli vaxtla 20:00-da bağlanıb.
Məlumata görə, 21.4 milyon seçicidən 17.69 milyonu, yəni 86.62 faizi səsvermədə iştirak edib.
İlkin nəticələrin sabah səhər saatlarında açıqlanacağı gözlənilir.
Qeyd edək ki, Özbəkistanın birinci prezidenti İslam Kərimov bu il sentyabrın 2-də 78 yaşında insult nəticəsində həyatını itirib. Prezidentin müvəqqəti səlahiyyətlərini ölkənin baş naziri Şövkət Mirzəyev yerinə yetirir. Politoloqlar seçkilərdə prezident postuna əsas namizədin də Ş. Mirzəyev olduğu qənaətindədirlər. Ş. Mirzəyevin namizədliyi Özbəkistan Liberal-Demokrat Partiyası tərəfindən irəli sürülüb. Parlamentin aşağı palatasının vitse-spikeri Sarvar Otamuradovun namizədliyi Milli Dirçəliş Partiyası tərəfindən irəli sürülüb. Ədalət Sosial-Demokrat Partiyasının lideri Nəriman Umarov və Xalq-Demokrat Partiyasının sədri Xatomjon Ketmenov da prezidentliyə namizəddirlər.
Tarix
2016.12.04 / 20:04
|
Müəllif
Kamran Ədalət
|