Ana səhifə Planet |
23 yanvarda Qazaxıstanın paytaxtı Astanada Rusiya-Türkiyə-İran arasında keçiriləcək Suriya böhranı ilə bağlı görüş üçün son hazırlıqlar görülür. Rusiya, Türkiyə və İranın Suriyanın gələcəyinin müəyyən olunmasında lider rolunu oynamasından sonra Ankara ilə Moskva arasında yeni bir ittifaq qurulub.
Axar.az xəbər verir ki, "Kommersant" qəzetinin məlumatında Ankara və Moskvanın ilk dəfə birgə əməliyyat keçirdiyi bildirilib.
"Kommersant" qəzetinin məlumatında qeyd edilir: "Moskva üçün Ankara ilə qurulan ittifaq kritik bir əhəmiyyət daşıyır və bəzi hədəfləri reallaşdırmaqda yardım edir - Qərbin Suriya böhranında rolunun qarşısını almaq və Astanada Suriya Prezidenti Bəşər Əsədin müddətsiz olaraq hakimiyyətdə qalması barədə zəmanət əldə etməyə çalışan İranın rolunu məhdudlaşdırmaq.
Əsədin Ankaranın vasitəçilik rolunu tanımadığı, Tehranın Türkiyənin Suriyadakı hərbi varlığını və Ərdoğanın İran tərəfdarı olan silahlı qrupları ölkədən çıxarmaq cəhdlərini qəbul etmədiyi bir dövrdə Rusiya ilə Türkiyə arasında siyasi yaxınlaşma kritik bir əhəmiyyət kəsb edir.
Türkiyə və Rusiya tarixləri boyunca 12 dəfə bir-biri ilə müharibə aparıblar, ancaq Əl Bab əməliyyatında Rusiya Hava-Kosmik Qüvvələrinin türk ordusuna dəstək verməsi tarixdə ilk dəfə belə bir hal yaşanmasına töhfə verdi".
Tarix
2017.01.11 / 23:56
|
Müəllif
Pərviz Həsənov
|