"Çeçen səhra komandiri Əli Osayevin öldürülməsində Ruslan Papaçkeri günahkar deyil".

"Axar.az" xəbər verir ki, bu iddia ilə Türkiyənin "Takvim" qəzeti çıxış edib.

Qəzet Əli Osayevin öldürülməsində Gülən hərəkatının polis strukturlarındakı imamı kimi tanınan Osman Hilmi Özdilin mühüm rol oynadığını bildirib:

"Gülənçilər Kadırovla razılığa gəliblər. Rusiya kəşfiyyatının ən böyük düşmənlərindən birinin Gülən hərəkatı hesab edilməsinə baxmayaraq, Kadırov onların təklifini qəbul edib. Təklif çox sadə olub. Çeçenistanda nurçu məktəblərinin açılmasına şərait yaratmağın qarşılığında Türkiyədə gizlənən çeçen səhra komandirlərinin qətlə yetirilməsinə yardım göstərilməlidir. Bunun nəticəsidir ki, sonra Əli Osayev qətlə yetirilir. Burada isə bütün günahlar Zona ləqəbli Ruslan Papaçkerinin üzərinə atılır. Əvəzində bir daşla iki quş vurulur".

Qeyd edək ki, Əli Osayev Çeçenistanda kifayət məşhurdur. O ölkənin əsas səhra komandirlərindən hesab edilir.