İngiltərənin Avropa Birliyindən (AB) çıxma prosesi - Breksit rəsmən başlayıb.

Axar.az xəbər verir ki, bu haqda İngiltərənin Baş naziri Tereza Mey məlumat verib.

Artıq baş nazir Lissabon sazişinin 50-ci maddəsinə əsasən, müzakirələrin başlaması üçün Brüsselə məktub göndərib.

Brüssel Breksitin İngiltərəyə 60 milyard avroya başa gələcəyini bildirib. Müzakirələr zamanı isə bu rəqəmlərə bir daha baxılacağı deyilib.

Müzakirələrin iki il davam etməsi və İngiltərənin 2019-cu ilin 29 martında birlikdən tam çıxması gözlənilir.

Xatırladaq ki, Birləşmiş Krallıq keçən il 23 iyunda keçirilmiş referendum zamanı 52% səslə AB-dən ayrılmaq qərarına gəlib.