Ermənistandakı parlament seçkisindən sonra heç bir etiraz olmadı.

Axar.az xəbər verir ki, bunu “1in.am” saytına açıqlamasında Ermənistanın Konservativ Partiyasının sədri Mikayıl Ayrapetyan söyləyib.

“Ermənistandakı parlament seçkisindən sonra heç bir etiraz olmadı və olmayacaq. Ona görə ki, ölkədə seçki olmayıb. Sadəcə çox “mükəmməl” ticarət müqaviləsi imzalanıb. Ticarət müqavilələrindən sonra isə heç bir aksiya, üsyan olmur. Burada sövdələşmənin partiyalar və ya bloklar arasında bağlanmasından söhbət getmir. Təəssüf ki, bizim siyasi elitamız yoxdur. Bizim rəhbərlik xalqı uzun müddət psixoloji olaraq bu sövdələşməyə hazırladı. Bizim “mükəmməl” televiziya şirkətlərimiz var. Onlar illər ərzində əhalinin qavrama səviyyəsini, vətənə bağlanma səviyyəsini aşağı saldılar. İnsanlar vətənlərinə yadlaşdılar. Xalq seçkiyə seçim etmək üçün yox, ticarət etmək üçün getdiyini anladı”, – deyə o bildirib.