Əgər prezident olsam, Polşaya qarşı sanksiyaların tətbiq edilməsini istəyəcəyəm.

Axar.az xəbər verir ki, bunu jurnalistlərə açıqlamasında Fransa prezidentliyinə ən iddialı namizəd Emmanuel Makron söyləyib.

“Polşa Avropa Birliyinin prinsiplərini pozur. AB-nin dəyərlərinə hörmət edilməyəndə mən sanksiya tələb edə bilərəm”, – deyə o bildirib.

Qeyd edək ki, Polşa-AB münasibətləri Varşavanın bir sıra islahatlarından sonra pozulub. Brüssel edilən dəyişikliklərin demokratiyaya zidd olduğunu açıqlayıb. Varşava, xüsusilə, qaçqınları qəbul etmədiyinə görə tənqid edilir.

Emmanuel Makron Fransada 7 mayda keçiriləcək prezident seçkilərinin ikinci turunun favoriti hesab edilir.