İranın cənubunda yerləşən Dezful şəhərində anbarda xlor sızması nəticəsində 475 nəfər zəhərlənib.

Axar.az xəbər verir ki, bu haqda “Assoşeyted Press” agentliyi məlumat yayıb.

Rəsmi İRNA xəbər agentliyinin məlumatına görə isə hadisənin baş verdiyi anbar su təchizatı ilə məşğul olan şirkətə məxsusdur.

"Zəhərlənənlər paytaxt Tehranın 805 kilometr cənub-qərbindəki Dəcful şəhərindəki yerli xəstəxanalara aparılıb. Hazırda onlardan 45-i xəstəxanada saxlanılır. Qalanlarının vəziyyəti normal olduğu üçün evə buraxılıblar", - məlumatda qeyd olunur.

Qeyd edək ki, 250 min əhalisi olan Dezful neftlə zəngin olan Xuzistan vilayətində yerləşir.