David Tonoyan Ermənistanın fövqəladə hallar naziri olduqdan sonra Müdafiə Nazirliyindən öz kadrlarını buraya toplamağa başlayıb.

Axar.az xəbər verir ki, bu iddia ilə “Qraparak” qəzeti çıxış edib.

“Kadrların sayı o qədər çoxdur ki, biz hətta paralel Müdafiə Nazirliyinin yaradıldığını deyə bilərik. Buraya gətirilən kadrlar köhnə əməkdaşları əvəz etməyə başlayıblar. Tonoyan Müdafiə Nazirliyindən yeni iş yerinə aparat rəhbərini, köməkçilərini, katibəsini, tərcüməçisini, baş məsləhətçisini və digərlərini gətirib”, – deyə məqalədə bildirilib.

Qeyd edək ki, bundan öncə Ermənistan Müdafiə nazirinin müavini Ara Nazaryan da vəzifəsindən azad edilərək, Ermənistan fövqəladə hallar nazirinin müavini təyin olunmuşdu.