“Qərb-2017” hərbi təlimi zamanı Ukrayna ciddi problemlərlə qarşı-qarşıya qala bilər.

Axar.az xəbər verir ki, bunu jurnalistlərə açıqlamasında ukraynalı politoloq Valentin Badrak söyləyib.

“Bizim əsas qorxduğumuz amil Rusiya ordusunun hərəkətliliyidir. Moskva bilir ki, Kiyev məhz belə şeylərdən çəkinir. Əgər Rusiya hərbi aqressiyaya başlasa, bunun daxilinə digər dövlətləri də çəkəcək. Bu sırada Belarus, Gürcüstan, Azərbaycan, Özbəkistan, Tacikistan, Qırğızıstan, Qazaxıstan və Ermənistan da olacaq. Bu ölkələri müharibəyə cəlb etmək Moskva üçün böyük uğur olacaq”, – deyə o bildirib.

Qeyd edək ki, Rusiya və Belarusun “Qərb 2017” hərbi təlimi 14-20 sentyabr tarixində baş tutacaq.