Meksikada yenidən yerlatı təkanlar baş verə bilər.

Axar.az xəbər verir ki, bunu “RİA Novosti” agentliyinə açıqlamasında Rusiyanın Cənubi Saxalinsk seymostansiyasının mütəxəssisi Yelena Semenya söyləyib. Onun sözlərinə görə, 19 sentyabrda baş verən yeraltı təkan 8 sentyabrda baş verən zəlzələnin daha güclü afterşoku idi:

“Yəqin ki, bu ən güclü afterşoklardan biridir. Təkrarlanmalar olacaq. Ola bilsin ki, bu, həmin gücdə və ya ondan aşağı səviyyədə olsun. Adətən, güclü təkanlar əsas zəlzələdən 1 ay sonraya qədər davam edə bilər. Zəif afterşoklar isə 1 il və daha çox müddətdə təkrarlanır”.

Qeyd edək ki, sentyabrın 19-da Meksika 7,1 bal gücündə zəlzələ baş verib. Zəlzələ nəticəsində 230 insan həlak olub.