Bu gün Kataloniyada müstəqillik referendumu keçirilir.

Axar.az xəbər verir ki, Kataloniya hökuməti əhalini qeydiyyatda olduğu yerdən əlavə istənilən digər seçki məntəqəsində səs verə bilməsi haqqında qərar verib. Hökumət bu addımı İspaniya polisi tərəfindən məntəqələrin bağlanma ehtimalına qarşı atıb.

Səsvermənin saat 09:00-dan (Bakı vaxtı ilə 11:00-da) 20:00-a qədər davam edəcəyi gözlənilir. Muxtar bölgədə 2315 seçki məntəqəsi fəaliyyət göstərir və burada 5,3 milyon seçici səs verə biləcək.

Qeyd edək ki, bundan öncə keçirilən sorğuya əsasən katalonların yalnız 41%-i müstəqilliyi müdafiə ediblər. 49% şəxs isə bu müstəqilliyə qarşı çıxıb.

İspaniya hökuməti referendumu, ümumiyyətlə, tanımayacağını bəyan edib.