NATO Baş katibi Anders Foq Rasmussenin Rusiya kəşfiyyat orqanlarının gizli şəkildə "Qrenpeys" təşkilatını maliyyələşdirdiyi barədə açıqlamasına təşkilat tərəfindən reaksiya özünü gecikdirməyib.

Axar.az Rusiya mətbuatına istinadən məlumat verir ki, ekoloqlar Alyans rəhbərinin bu bəyanatını gülüşlə qarşılasalar da, cavab fikirləri olduqca sərt tonda ünvanlanıb.

Təşkilat üzvləri bildiriblər ki, görünür, NATO başbilənləri qərargahlarında hansısa "ot" çəkirlər və bu üzdən də havalı və qeyri-obyektiv fikirlər səsləndirilər.

Xatırladaq ki, Londonda çıxışı zamanı Rasmussen onda Moskvanın "Qrenpeys"i gizli şəkildə maliyyələşdirdiyi barədə xəbərlər olduğunu dilə gətirmişdi. Məqsəd yeni mavi qaz yataqlarının işlənilməsinin qarşısının alınması və Avropa ölkələrinin Rusiyadan enerji asılılığını qoruyub saxlamaqdır. Bu arada NATO mətbuat katibliyindən məsələyə münasibət bidirilib və əlavə olunub ki, bu, Alyansın deyil, Rasmussenin şəxsi fikirləridir.