Qırğızıstan parlamenti Qazaxıstanın Bişkekə verəcəyi 100 milyon dollardan imtina ilə bağlı qanun layihəsini müzakirəyə çıxarıb.

Axar.az xəbər verir ki, bu barədə informasiyanı Qırğızıstan Nazirlər Kabineti yayıb. Layihəni parlamentə hökumət təqdim edib.

Qeyd edək ki, artıq 1 aydan çoxdur Qırğızıstanla Qazaxıstan arasında münasibətlər kəskinləşib. Rəsmi Bişkek Qazaxıstanı ölkədə prezident seçkisinə müdaxilədə günahlandırıb. Rəsmi Astana isə bu iddiaların hamısını rədd edib. Qırğızıstan həmçinin Qazaxıstanın sərhədlərini bağlaması ucbatından Astananı Avrasiya İttifaqı və Ümumdünya Ticarət Təşkilatına şikayət edib.