Rusiya Dövlət Duması sədrinin beynəlxalq məsələlər üzrə müavini Aleksey Çepa Məsud Bərzaninin istefasını şərh edib.

Axar.az xəbər verir ki, RİA-ya açıqlamasında Çepa Bərzaninin vəzifəsini davam etdirmək istəməməsinə səbəb kimi daxili çevrələrin təzyiqini göstərib. Onun sözlərinə görə, 25 sentyabr müstəqillik referendumundan sonra sözügedən siyasətin davamı müşahidə edilməyib:

“Referendumdan sonra İraq hakimiyyəti və ordusu coşdu, Kərkük rayonunda müəyyən qarşıdurmalar başladı. Kərkük İraq ərazisindəki böyük neft yataqlarının yerləşdiyi məkanlardan biridir. Peşmərgə faktiki olaraq bütün mövqelərdən geri çəkildi. Hazırda kürdlər arasında narazılıq var və bunun kökü də ərazilərin heç bir müqavimət olmadan verilməsidir. Bərzaninin istefası bu daxili narazılığın təzyiqi ilə baş verib. O öz istefası ilə bu narazılığı nisbətən yumşaltmağa çalışır”.

Çepa vurğulayıb ki, bu dəyişikliyin Kürdüstana sülh gətirib-gətirməyəcəyi mübahisəlidir.

Qeyd edək ki, İraq Kürd Muxtariyyətinin lideri Məsud Bərzaninin istefa məktubu parlamentə daxil olub.