Kimin hollandiyalı olub-olmadığına Vilders deyil, ölkənin konstitusiyası qərar verir.

Axar.az xəbər verir ki, bu sözləri Hollandiyanın Denk Partiyasının siyasi lideri Tunaxan Quzu Vildersin sərt çıxışına reaksiyasında bildirib.

"İkili vətəndaşlıq bir adamın ölkəyə olan sədaqəti haqqında heç bir şey ifadə etmir. Bir adamın sədaqəti davranışları ilə ölçülə bilər. Vildersin bu məsələdə daha çox öz sədaqətini mühakimə etməyi lazımdır. O, keçmişdə evində olmaqdan daha çox İsrail səfirliyində olub. Bu o qədər diqqət çəkmişdi ki, Hollandiya xüsusi xidmət orqanı bu vəziyyəti araşdırmaq məcburiyyətində qaldı", - Quzu söyləyib.

Qeyd edək ki, ötən gün Vilders yalnız hollandların parlamentdə təmsil olunmasının lazım olduğunu bildirib: "Bura Hollandiya parlamentidir. Mən parlamentdə türk, mərakeşli, ya da bir isveçlinin olmasını istəmirəm. Bunu deməyə haqqım yoxdur? Bura mənim ölkəmdir".