ABŞ-a Rza Zərrabla bağlı 2 nota göndərmişik.

Axar.az xəbər verir ki, bunu Türkiyə Xarici İşlər naziri Mövlud Çavuşoğlu deyib.

O vurğulayıb ki, gələn cavabda Zərrabın başqa yerdə olduğu bildirilib:

“Vəkilinin Zərrabdan xəbər almaması ilə bağlı mətbuatda informasiyalar yayıldı. Biz də 2 gün sonra ABŞ-a nota göndərdik. Bu, bizim vətəndaşımızdır və onun durumu necədir? – deyə... Aradan 3-4 gün keçdi. ABŞ-dan səs çıxmadı. Daha sonra dostlarımız “Biz bu tarixdə belə bir nota ilə sizə sual ünvanladıq” deyə 2-ci notanı göndərdi. Həm Ədliyyə Nazirliyinə, həm də XİN-ə onun səhhətinin normal olması ilə bağlı məlumat gəldi. Həmçinin bildirildi ki, Zərrab başqa yerdə və təhlükəsiz şəkildə saxlanılır”.

Qeyd edək ki, Rza Zərrab İrana qarşı tətbiq olunan sanksiyaları pozaraq ABŞ-ı aldatmaq, bank saxtakarlığı və çirkli pulların yuyulmasında ittiham olunur.