NATO son hadisələrlə özünün əsl üzünü göstərdi.

Axar.az xəbər verir ki, bu sözləri Türkiyənin Səadət Partiyasının rəhbəri Təməl Karamollaoğlu deyib.

“İllərdir ki, müxtəlif proseslər cərəyan edir və biz də fərqli səbəblərlə olayı gündəmə gətirərək öz münasibətimizi bildirirdik. Lakin indi görürürük ki, əsas hədəf başqadır. 26 il əvvəl - 1991-ci ildə SSRİ dağılanda “NATO-ya ehtiyac varmı?” deyə müzakirələr gedirdi. O dönəm İngiltərənin baş naziri olmuş Marqaret Tetçer isə, “Əslində indi əvvəlkindən daha çox NATO-ya ehtiyacınız var" demişdi. O, “Artıq kommunizm təhlükəsi ortadan qalxdı, indi isə islam təhlükəsi var. Müsəlmanlar, islam ölkələri var. Əgər sabah bunlar bir araya gəlib öz haqlarını tələb edərlərsə, bizim prinsplərimiz məhv olar”, - demişdi və nəticədə islamı düşmən kimi seçdilər. NATO təlimlərində də düşməni xarakterizə edən nişan dəyişdirildi. Əvvəllər kommunizmi təmsil edən qırmızı işarə var idisə, indi islamı təmsil edən yaşıl işarə var”, - partiya sədri bildirib.

Qeyd edək ki, Norveçdə keçirilən təlimlər zamanı şərti düşmən hədəfi kimi seçilən lövhədə Atatürkün rəsmi və Türkiyə Prezidenti Rəcəb Tayyib Ərdoğanın adı yer alıb. Hadisəyə görə məsuliyyət daşıyan 2 nəfərin ordudan qovulduğu bildirilib.

Norveç və NATO rəsmən Türkiyədən üzr istəyib.