Rusiya prezidenti Vladimir Putin Ukraynada vurulan Malayziya Hava yollarına aid təyyarədə 295 adamın həyatını itirməsi səbəbi ilə Malayziya baş naziri Nəjib Razaka başsağlığı mesajı göndərib.

Axar.az xəbər verir ki, Kremldən verilən açıqlamada Putinin ​​Ukrayna torpaqlarında qəzaya uğrayan və çox sayda insanın ölümünə səbəb olan qəza səbəbi ilə Malayziya baş naziri Razaka kədərlərini bildirərək ölənlərin yaxınlarına səbr diləyib.

Putin məktubunda qismən də olsa Ukraynanı təqsirli bilərək, "Separatçılara qarşı hərbi əməliyyatlar başlamasa idi təyyarə vurulmazdı" deyib.

Xatırladaq ki, Malayziya Hava yollarına aid Boing-777 tipli sərnişin təyyarəsi Hollandiyanın paytaxtı Amsterdamdan Kuala Lampura doğru uçarkən vətəndaş müharibəsinin alovlandığı Ukraynanın Donetsk bölgəsində vurulub. Hadisə nəticəsində 295 nəfər həlak olub.